原创客家山歌《山歌唔唱冇精神》作词/清唱：钟宜清
attach://708.mp3《山歌唔唱冇精神》
作词/清唱：钟宜清2018.05.04（山歌客韵）
山歌唔唱冇精神，一日唔唱头拿晕，朝晨唱到月光出，夜里晡晡到天明。
山歌系伢老情人，日日夜夜崖痴情，日里山歌同相伴，夜里山歌共枕眠。
山歌就系伢命筋，时时刻刻带在身，三餐拿紧来绑饭，晡晡揽紧来调情。
崖对山歌爱真真，三步唔曾脱过身，日里爱思夜爱恋，好象惹到狐狸精。
崖对山歌情深深，一日唔唱会脱神，烦时拿来解愁闷，饿时拿来当点心。
山歌冇脚爱田人，咩神咩鬼晓上身，经常惹崖呱呱叫，奔人骂系发神经。
汝莫笑崖山歌精，崖占参军系新兵，哆啦咪哗崖唔识，行路还爱打灵清。
崖介山歌冇几斤，尤其对歌唱即兴，对来对去口水话，跛脚公王系废神。
崖也唔曾上少林，所以功夫冇水平，唱介山歌随口出，硬打硬凿图开心。
有人笑崖大歌星，有人骂崖恁沙承，笑骂由人冇所谓，总爱山歌度日晨。
客家山歌唱古今，与时俱进日日新，万千腔调天籁曲，五湖四海有回音。
崖名喊作钟宜清，梅州五华客家人，客家山歌崖热爱，一日唔唱冇精神。
页:
[1]