廖友云、汤小群情歌对唱《哥係秤杆妹係砣》
attach://714.mp3《哥係秤杆妹係砣》
作词：客 古对唱：廖友云、汤小群2018.04.25（山歌客韵）
满山竹子尾拖拖，哥打竹头唱山歌，竹头俺多当竹板，山歌问妹想哥冇？
汝问阿妹想哥冇？涯话阿哥酿俺傻，蝴蝶都知恋花朵，奈只妹子唔想哥？
奈只妹子都想哥，就係阿哥十分傻，有话唔知酿般讲，问妹割橹口渴冇？
汝问妹子口渴冇？哥係真傻係假傻？妹子割橹冇带水，口渴唔知酿奈何？
酿奈何来酿奈何，阿妹口渴过来坐，竹头底下有泉水，想食几多有几多。
想食几多有几多，阿哥约妹妹来坐，一来食水解肚渴，二来也想看阿哥。
妹来食水看阿哥，哥脱衫帕奔妹坐，妹係有心哥有意，嬲到日头落西坡。
嬲到日头落西坡，莫嫌妹子话俺多，哥係有心连阿妹，花轿迎娶妹嫁哥。
妹子愿意嫁阿哥，阿哥心头乐呵呵，今年阿哥三十过，知得酿般惜老婆。
总爱阿哥惜老婆，妹会孝顺全家和，家庭和睦勤致富，一生一世跟阿哥。
一生一世跟阿哥，一心一意做公婆，一条蜡烛燃到底，一根秤杆配只砣。
崖名喊作廖友云家住五华小山村客家山歌崖热爱学习唱歌正入门听到歌声人就晕
伢名小群小姓汤家在五华小村庄客家山歌涯中意学唱即兴涯向往客家民歌也爱浆
页:
[1]