《山妹婧婧》 作词/清唱：客古
attach://955.mp3《山妹婧婧》作词/清唱：客古（山歌客韵）
山路弯弯岭驳岭前世修缘同妹行山高路远哥相随听妹脚步追妹影
山水清清波连波妹在河边等阿哥哥妹相约河边嬲心有灵犀暖心窝
山顶高高风景好哥妹山顶对山歌唱到涯喊心肝妹阿妹喊涯心肝哥
山花红红红山坡阿妹山歌真系多手拗山花送妹子问妹想哥唔想哥
山果甜甜甜过糖哥妹相好日久长手摘山果送阿妹问妹几时共家堂
山风徐徐爽又凉同妹嬲到日头黄松树头下手牵手石壁面上秀鸳鸯
山树大大树下光唔见阿妹心好伤涯知父母唔同意棒打鸳鸯割心肠
山雾蒙蒙看唔清约到阿妹把心倾目汁洗面难分手冇缘同妹共枕眠
山月弯弯挂天上单人单影嬲月光举杯把酒问明月几时照涯影成双
山竹高高想长长山中姻缘梦一场青梅竹马情难舍割开心肝闯四方
山溪哗哗流水响山清水秀涯家乡山歌溜溜长相忆山妹婧婧记心上山妹婧婧永难忘
客古系涯个笔名老家在丰顺潘田山歌文化有深义自写自唱敬亲人
页:
[1]